பொலன்னறுவையில் 37.2 செல்சியஸ் வெப்பநிலை பதிவு!

நாட்டில் அதிகபட்சமான வெப்பநிலை பொலன்னறுவையில் 37.2 செல்சியஸாக பதிவாகியுள்ளதாக வளிமண்டலவியல் திணைக்களம் தெரிவித்துள்ளது.

அத்துடன், வவுனியாவில் 35.7 செல்சியஸ் வெப்பநிலையும், அநுராதபுரத்தில் 33.7 செல்சியஸ் வெப்பநிலையும், யாழ்ப்பாணத்தில் 33 செல்சியஸ் வெப்பநிலையும், கொழும்பில் 31.4 செல்சியஸ் மற்றும் காலி 29.6 செல்சியஸ் வெப்ப நிலைகளுமான பதிவாகியுள்ளன.

நுவரெலியாவில் நாட்டின் மிகக் குறைந்தபட்ச வெப்பநிலையாக 19.7 செல்சியஸ் பதிவாகியுள்ளது.

பண்டாரவளையில் 28.8 செல்சியஸும், கட்டுக்கஸ்தோட்டையில் 29 செல்சியஸ் வெப்பநிலையும் பதிவாகின.

நாட்டின் வடக்கு, வடமத்திய மற்றும் கிழக்குப் பகுதிகளிலேயே அதிகளவிலான வெப்பநிலை நிலவுவதாக வளிமண்டலவியல் திணைக்களம் குறிப்பிட்டது.