ஆசிய கிண்ண ஆண்கள் 4×100 மீற்றர் அஞ்சல் ஓட்டப் போட்டியில் இலங்கை அணி இறுதிச்சுற்றுக்குத் தகுதி!

ஆசிய விளையாட்டு போட்டியின் ஆண்களுக்கான 4×100 மீற்றர் அஞ்சல் ஓட்டப் போட்டியில் இலங்கை அணி அபார திறமையை வெளிப்படுத்தி இறுதிச்சுற்றுக்குத் தகுதி பெற்றுள்ளது.

நேற்று (27) நடைபெற்ற 4×100 மீற்றர் அஞ்சல் ஓட்டப் போட்டியில், இலங்கை அணி, 39.43 வினாடிகளில் இலக்கைக் கடந்து 4 ஆம் இடத்தைப் பிடித்தது.

இந்த வெற்றியின் மூலம் இலங்கை அணி இறுதிச்சுற்றுக்கு முன்னேறியுள்ளது.

இந்தப் போட்டியில் இலங்கை சார்பாக சாமோத் யோதசிங்க, மெரோன் விஜேசிங்க, தினேத் இந்துவர மற்றும் ரொஷான் ரணதுங்க ஆகிய வீரர்கள் பங்கேற்றிருந்தனர்.